अटका हुआ चाँद…

Advertisements

राखी…Rakhi…

नातं…

विधात्याने लिहिलेलं,
जन्मतः रक्ताने बांधलेलं,
बालपणात रमलेलं,
हक्काने गाजवलेलं,
कट्टी अन गट्टीत मुरलेलं,
विश्व वेगळं एकत्र गुंफलेलं,
दूर असून साधलेलं,
डोळ्यात पाणी आणणारं,
तुझं नी माझं अतूट नातं,
बांधलयं राखीच्या या नाजूक धाग्यानं,
कधीही न तुटणारं…

NK

राखी पूर्णिमेच्या शुभेच्छा🙏🙏🙏🌹🥀🌷

नाण्याच्या तीन बाजू…Three Sides Of A Coin…

नाण्याच्या तीन बाजू…

कालची मी,
आजची मी,
उद्याची मी …
मी आहे खरी तीच, पण…
ही माझी रूपे तीन।
भूत, वर्तमान, भविष्य। तीघीजणी, जणू एका नाण्याच्या तीन बाजू !
कशी होती काल, तशी नाही ना आज, आणी नाही राहणार ना उद्या।
मी सतत बदलते जशी खळखळणारी नदी।
निश्चित फक्त इतकच, नदी सागरात मिळते, तशीच मी होईन विलीन, एक दिवस तुझ्यात…

डॅा नम्रता कुलकर्णी
४/५/१६

आठवण…Aathawan…

आठवणींच्या माळरानात हरवली,
स्मृतिफुलांनी ओंजळ भरली,
एकेक पाकळी हळूच फुलली,
स्मृतीसुगंधानी आसमंतात दरवळून गेली…
NK