अश्रूंची फुले… Ashrunchi Phule…

अश्रूंची झाली फुले, घरंगळली नयनी,
शिंपडुनी सडा चेहऱ्याच्या अंगणी

वेचून एक एक पाकळी अलगद,
गोळा केल्या त्या अनेक आठवणी

गुंफूनी माळेत करी त्यांचा शृंगार,
आसमंतात गंध पसरला ग साजणी

कोमेजला मोहर परत न बहरला,
उदास ती फुले, विरल्या त्या आठवणी

NK
19/04/18

Advertisements

लयी भारी😂.. Layi Bhari…

उभी मी वजन काट्यावर,
थांब थांब जाऊ नको वर वर,
हलकेच एक पाय काढते,
तरी दाखवतो मेला
शं ‘भर’ …!!!

NK

😜

स्वानुभव…Ek Experience…

एक मित्र…धम्माल एकत्र…
मैत्री निरंतर… खूप दूर अंतर… अजब कहाणी…खूप आठवणी… हास्याचे फवारे…अश्रू गळणारे… वायफळ गप्पा… मध्यायुषीचा टप्पा…
फालतू वादविवाद… निशब्द संवाद…
अबोला कट्टी… लगेच परत बट्टी…
जुळले मनाचे तार…कधी जीत कधी हार… अनुभव शांत मनाचा… साठा अनमोल धनाचा…
मागितला अधिकार…मिळाला धिक्कार…
प्रेम फसवं…नसावं…

NK
7/4/18

अदृश्य बंधन…Adrushya Bandhan…

तुझ्या माझ्या मधे कसलं हे अदृश्य बंधन,
तू नाही तर कुणाची मी काढू आठवण ?मी नाही तर तुझे अस्तित्व मात्र मातीमोल, म्हणूनच राहू दे ह्या नात्यात असाच मेलजोल।

NK

गुढी पाडव्याच्या शुभेच्छा🙏🙏🙏 … Happy Gudhi Padwa…

चैत्र सुरू झाला, करू साजरा गुढी पाडवा,
नवीन वर्ष साजरे करून, आनंद द्विगुणीतवाढवा।
घराच्या अन मनाच्या ही सफाईचा केर काढावा,
जुन्या नवीन सर्व नात्यांचा स्नेह संबंध जोडावा।
जुने वर्ष सरले, तसे लोभ मत्सर बाजूला सारावे,
नवीन वर्षात तुम्हास प्रेम, करूणा नी वात्सल्य लाभावे।
नव वर्षाच्या शुभेच्छा 🙏🌾🌿🍃🌹🌷
NK

नशिबी जे नव्हतंच…शेवटचे शब्द…Not Destined To Be…Last Words…

नशिबी जे नव्हतंच…शेवटचे शब्द…

माझ्या श्वासांवर जर असते रे नियंत्रण माझे,
बघितली असती वाट होऊनि हृदय बेचैन माझे

तू लावले असतेस जर जखमांवर मलम कधी रे,
ठेवला असता विश्वास तुज हृदय देऊन माझे

सतत शोधणार्या नजरेला झाली होती प्रचिती,
साथ लाभता तुझी झाले असते प्रफुल्लित जीवन माझे

तू भेटशील अजूनही कुठल्या तरी क्षणी अशीच प्रार्थना,
स्वप्नात होऊ दे मिलन हे मनोरथ, हेच स्वप्न माझे

खोल हृदयी लपवून ठेवू तुला हीच आकांक्षा घेऊनी,
लाभेल हृदयी शांतता अन होईल शांत हे मन माझे

नाव तुझे ओठावर घेऊन निघाले शेवटच्या यात्रेस,
माझिया न ताब्यात कधी उडेल मन पाखरू पिंजऱ्यातून माझे

श्वासांचा पदर ओढूनी आले नम्रतेने तुझ्या कुशीत,
तुझिया दारी घेईन श्वास अखेरचा हेच प्राक्तन माझे

डॉ नम्रता कुलकर्णी

बेंगलूरु, १४/०३/१८

स्रीभूषण… Streebhushan…

मान, मर्यादा, लज्जा, सौंदर्य, भक्ती,
विश्वास, आस, क्षमा, आदी शक्ती,
गुंफूनी प्रेम धाग्याच्या कोंदणात,
शोभीतसे स्रीभूषण माझिया अंगणात।
NK